Hi Almal,

Die klub se volgende breakfast run vind plaas Sondag, 23 Februarie 2020 na Oppi Stoep Restaurant in Marquard (S28° 40’ 04.1" E27° 25’ 47.8").

Almal bestel self vanaf die spyskaart en die koste van hulle ontbyt is tussen R65-00 en R95-00 per persoon. As die belangstelling baie is vir die breakfast run kan ons dalk die ontbyt verander na ‘n buffet ontbyt, ook die rede hoekom dit belangrik is om te bespreek.

Ons kan ondermekaar besluit by die vulstasie hoe ons wil ry na Marquard, via Theunissen (40km verder) of op die N1. Die stukkie pad waar ‘n ons gaan afdraai vanaf die N5 tot op Marquard het ‘n paar “pot holes” en ek dink hulle is tans besig om die pad te herstel, ons sal dit maar rustig vat. Enige een van julle met meer inligting oor die paaie na Marquard is welkom om my te kontak. Ek weet ook nie wat is die toestand van die pad via Clocolan na Marquard nie en die laaste wat ek hom gery het was hy baie sleg maar ek dink amper hulle het hom ook al reggemaak.

Ons sal weer soos altyd by die vulstasie besluit wie grond wil ry na of vanaf Marquard. Enige voorstelle vir grond is welkom.

Die beplanning is as volg:
07H30 – Kom bymekaar by die Shell Ultra City N1 Bloemfontein (S29° 02’ 24.0" E26° 13’ 23.0")
08H00 – Vertrek saam na Marquard
09H30 – Bestel self vanaf die spyskaart en die koste van hulle ontbyt is tussen R65-00 en R95-00 per persoon. (Die ontbyt moet asseblief by hulle self betaal word.)
11H00 – Vertrek terug na Bloemfontein (Ons sal daar bespreek en besluit hoe ons gaan ry terug na Bloem)

Laat weet asseblief voor Donderdag, 20 Februarie voor 16H00 deur ‘n epos te stuur na events@bmwmc-inland.co.za, op die BMW MC Inland App, SMS of WhatsApp na 083 212 0102.

Vir enige voorstelle is julle welkom om my te kontak.

Groete
Nico Smuts